وتر الدعاء

ياربي .. ياربي .. ياربي سألتْ برحمتك هللي اوسَعَت كل شي او بالقوة اللي قِهرَت واَخْضَعَت كل شي او بالعِزّة اللي ما يوصل عُلاها شي او بالشان العظيم الكل شي يملاه ينور النور اويا قدّوس ويا ظاهر يأول الاول او يا آخر الآخر يرحمن القيامة الله يا غافر يمن يسمع من اليدعو له دعواه ياربي .. ياربي .. ياربي يرب اغفر ذنوب التهتك العصمة يرب اغفر ذنوب تنزّل النقمة يرب اغفر ذنوب تغيّر النعمة يغافر للعبِد ذنبه وخطاياه تغرني الدنيا وتخادعني زينتها او نفسي تغيرت فيها بخيانتها او ظل عنادي يبعدها ويشتّتها سألتك سيدي بالعِزّة والجاه ياربي .. ياربي .. ياربي يرب ارحم ضعف هذا البدن عندي وتلطّف بالوهن بعظامي وبجلدي إذا يوم القيامة بالحشر وحدي اجيتك معترف بذنوبي بالآه يربي وضعفي في الدنيا وبلاويها عجب في الآخرة وفي اللي انكتب فيها شيصبرني على دايم مآسيها مظنّي تعذب منادي يا الله ياربي .. ياربي .. ياربي يربي ولو في نارك جسمي يتوجّر او لو صبري تحمّل إني اتسعّر على افراقك يربي مقدر اتصبّر او نارك ما سكنها الإنته رجواه إلك أقسم يرحمن ابقَسَم صادِق لَوَن تتركني بالنار ابثَغَر ناطِق وسط أهل القيامة ابصوتي يا خالق أنادي يللي ما خاب اللي ناداه ياربي .. ياربي .. ياربي بضجيج الآملين اشكولك ابضجّة ومعَ المستصرخين اَتمنى واترجّى وبكاء الفاقدين ايفطّر المهجة يا غوث المستغيث ابكل نجاواه يربي وأسألك تستر على عيوبي وفي هالليله وفي هالساعة اغفر ذنوبي ويرب العالمين اكشف عن كروبي او من قلبي استمع حاله او شكواه ياربي .. ياربي .. ياربي ولك يا ربي كل اوقاتي مشغولة وكلها بخدمِتك يا ربي موصولة يربي اجعل جميع اعمالي مقبولة يمن أشكو له حالي وروحي تنخاه يمن إسمه في كل نبضة دوا روحي يمن بِسمه جعل ذِكْره شِفا جروحي إجيتك بالرجا وباب الرجا نوحي إلك قلبي سلاحه دموعه وبچاه ياربي .. ياربي .. ياربي