١ جمادى الأول ١٤٤٨
كلمات المقطع
جـيـنـه نـنشد كربلا مضيعينها
بـيـهـا زيـنب گالوا ميسرينها
يـسـروهـا ولا لـها واحد فزع
شـال حادي ضعونها بساع وگطع
جـيـنه ننشد وين ابو فاضل وگع
مـا تـدلـونـي الـشريعه وينها
بـس اشـوفـه والعتب مني يزول
ودري ابو فاضل على النخوه يجول
حگه عـذره يگول مگطوع لزنزد
وحـال مـلـك الموت بينه وبينها
جـيـنـه ننشد كربلا عليها نعتب
تگول هـاي رجـال وتدور الغلب
حـرمـه زينب بيش مطلوبه بذنب
فـوگ چـتـل حسين ومسيبينها
ارد انـشـدچ كـربلا عن النزيل
شـلون ضعن الحرم شال بلا دليل
إمچــان گلـتيلي يعاونها العليل
بـالـمـرض مشدوه وينه و وينها
ارد انـشدچ هم صدگ بالشام عيد
وحطوا بطشت الذهب راس الشهيد
ومـن نـشـد زينب بديوانه يزيد
گاعـده لـو واگفـه مـخـلينها
جـيـنـه ننشد عالعليل من الوله
فـوگ ضعف المرض هالبلوى إبتله
لـيـش مـا غـاصت بهلها كربله
مـن گطـع بالسيف راس حسينها
جـيـنـه ننشد كربلا وزين العباد
الروس شالوها وبگت بس الأجساد
شلون جسمك سيدي من المرض ذاد
مـا حـصل واحد حظى بتجفينها
جـيـنـه ننشد كربلا عن العيال
شـلون گلي بلا ولي هالظعن شال
خـلـوا الـسبعين من غير الأطفال
مـذبـحـه والـولـم مـسجينها
جـيـنـه ننشد كربلا والدمع زاد
بـيـهـا أميه گظت بالحسين المراد
كـربلا عليها بچـت سبع الشداد
ويـن شـيـعـتها شسبب ناسينها
