سيرة خادم

اوراق سـيــرة خـادم بچفوف اعظم حاكم مملوك بالحب هايم مـولاي سلطان قلبي يطيعك هيهات روحي تبيعك محتاج بس توقيعك مـولاي ... المجانين سمـوني بهلول همـت بيـك قبـل الدللول بالگمـاط حـرز حـاط تـربـتـك انا بمـهـدي و اسمي مسـجـل خـادم يمـك و شگد غافي اعله متون امي و هيه تخدمك تتوسـلك كـبـر اوليـدي و كـبــره بإسمــك انا و ربعي و احنه ازغار ننصـب موكـب للـزوار نوزع مـاي ابـاب الـدار سـر بإسمـك لـو قلنـاه حتى الموته تصيح الله تفسيرك يصعب معناه الله يا ســـر حــبــي اشتـاق و انـت بقلبي اهـواك يشهــد ربـي مولاي ابداع كـل اوصـافك هنيال عينه الشافك خسران كلمن عافك مولاي ... يسألون عن حالتي هواي انا بخيـر ما دامـك وياي اليخدمون يفهمون كلامي كلشي يخدمك يكبر صيته و بسمـك يعله المنبر خشبه و لجلك شفنه الناس تقبله حتى الگـاع الباسـت دمـك صـارت قبلـه انا اكبر شاهـد عالگـاع صيتي ابين الوادم شاع لو ما انت الخادم ضاع گالوا شسمك و انت منين من يا دولـه و اهلك وين گلتلهـم كـل ذني حسين بحسين يكبـر صيتي و انفاس روحه ابيتي مسـؤول عـن تربيتي مولاي دنياي ما تصـفـالي و الـقـاه راحة بالي مأواي باب الغـالي مولاي ... الف عام عاشقلي انسان نهر خير بس هو عطشان اليعطشون يشـربـون حـنـانـه انا اليلطم و انا اليخـدم لآخـر عمره انا المد چفوفـه ابـابـك رايـد نظره انا التبچي عيونه لخاطر عين الزهره انا القـلبـه يظل مكسور من يقـره زيـارة عاشـور و دمعة عينه بخده تزور ما شـايـف مثلك بالنـاس مملكتـك عـيـن العبـاس عطشان و ترويني احساس احداث يوم العاشر بالروح كسرة خاطر قران داسه الحافر مولاي قانون قلبي الينحب كل يوم ابچي لزينب تنخاك و انت مسلب مولاي ... خادم الحسين ( عليه السلام) كرار حسين الكربلائي ( ابو كميل )