بالعافية

خوية نوم العافية براس الرمح ياجرح وإعله الجرح حفنة ملح مدري ليش الفرگه خنجرهه يلح والتريده بساعة العازه يشح ليـش اني جرحي ابلا دوه ليـش انه يخنگني الهوه عالمشرعة مات الضوه يا وسفة ما متنه سـوه ماسامعة .. هالفتره چلمة بيها ملحة ودافية ما سامعة .. إخت الهواشم بالصحاري وحافية بالعافية .. انه بنت اللي يحلّ ليش انچتف واني اخت الـ بالكلايف ينعرف تالي ماتالي ولاني الما يعف ولا يرد المستحه اعيون الصلف جرح السبي ينزف عتب بعيوني ينشاف التعب يم اختك الحادي اقترب راسك بُـقه برمحه شعجب! ماجيتني .. كلها جفتني ودنتي متجافيه ماجيتني .. ورموشي بيضه وانتَ اخذت العافيه بالعافية .. حزت اعظامي تره احبال اليسر اثرت بوجوهنا شمس الظهر چنك اتگلي الصبر ثمَ الصبر اصبر وعينك وانام اعله الجمر ماتنسه رسومك ابد ذاكه الحچي الينگط شهد عايفني خيمه ابلا عمد وبراسي دمك مابرد ووداعتك .. اني الچبيرة وعالمصايب وافية ووداعتك .. لكن دموعي اعله النهر مو كافية بالعافية .. ما اگلك زينه والحادي الشمر والحمدلله يـخويه اعله الستر خل اوصف حالتي بس اختصر چل حمامه وطاحت بمخلب نسر هاي اليشيبلها الطفل والصعبه والما تنعقل ( زينـب يچتفوها بحبـل ) والعثرة يم شامت چتل عباسنه .. تنزف جروحك لسه مامتشافيه عباسنه .. وانه ادري بثگال المصايب لافيه بالعافية .. انه زينب ونطويت من الحزن لا اخو عندي ولا عندي إبـن انظر الراسك يبـو فاضل واحن اني ما اسمعك أشعر تون ردتك ولو بس تلتف حتى اگلك ها شفت! ياحرة وي ظالم عفت بيمن الوذن لو خفت! ماصايحه .. لكن أون وونتي مو خافيه ماصايحه .. ظليت الوج وجمرتي ماطايفه بالعافية .. چنه وين إحنه وصفينه ابيا وضع هسه ساكت وانه اسولفلك دمع انتَ ذاكَ الچان الي خيمه ودرع تالي مابين الضباع اخت السبع ياويلي والماتو هله مايسمع بچلمة هلا هاي التعدل المايله عالناگه المعاتب حِله بسياطهم .. ماتوگع ايدي وللوضع متلافيه بسياطهم .. تعبانه والتحدي الظعن متعافيه بالعافية .. انت يالطبعك تجي ماتبتعد ننطي كل اچفوفنه وچفك يرد انه اختك يابو فاضل وارتعد واليگود الناگه ينظرلي بحقد ويگلي صرتي اميسره چا وينه سبع الگنطره قبلچ ولا صارت تره ياهاشميه اميسره! حداينه .. ناده ويسمعونه الرعاع الهافيه حداينه .. احنه الذبحنه السيد من القافيه بالعافية .. ياعجب عدلة بعدني ومامتت واني بيد الما يخاف الله طحت اني امشي ويه الشمر والله وكت وسفة محد گال ابشري من صحت وينه الگبل يمسح اثر خطواتي ويحس بخطر طفو الضوه وصيروا بحذر زينب اجت غضوا النظر ها وينهم .. اذكر دلالي وللتعب مانافيه ها وينهم .. ماظنها حربي ويه الشمر متكافيه بالعافية .. الشاعر الجليل : السيد عبدالخالق المحنة