حرق الخيم

حرق الخيم والدخان تفكيري مو بيهن چان بيه الله يدري يدري يدري يدري مادرت وجهي من النار للمشرعة گلبي اندار ياحامي خدري خدري خدري خدري يالچانت اختك والمخيم بحماك خل ينسه روحه الگال زينب تنساك حرگوا الخيمه وذكرياتي انه وياك صارت رماد وبيهه ريحة ذكراك گالوا يسارك طاحت ابصف يمناك گلتلهم انه اخته وشلت بيدي الواك من صاحوا اخت المذبوح گلتلهم انه اخت الروح غير انتَ روحي روحي روحي روحي من گالوا انطلبچ ثار للمشرعة گلبي اندار ياحامي خدري خدري خدري خدري ​گلتلهم انه شلون شفتو من طاح گالولي طيحةَ حسين كضلها اصفاح گلتلهم اعلى من الگُمر ما ينلاح گالولي يحصد بينه مثل الفلاح گلتلهم امبين زعل لو مرتاح گالولي كلما ينطعن زينب صاح شفنا جبل من ايطيح واسمج على لسانه يصيح عذريني خويه خويه خويه خويه ينزف محنة وإيثار للمشرعة گلبي اندار ياحامي خدري خدري خدري خدري ​كل ساع اذكرك لو اموت بكل ساع ما ادري وانتَ تدري مو حمل وداع هم العليه ايكسر اضلوع الگاع شفت الشوارب والضماير تنباع والمو زلم صاروا عليّ خويه اسباع لاگوني ريح وفصلت صبري شراع أسمع شتم وحچايات وانه أعـلى من الرايات رافعني زودي زودي زودي زودي كلما يريدوني انثار للمشرعة گلبي اندار ياحامي خدري خدري خدري خدري ​جابوا لأميرتهم هزيلات النوگ وانه العرش بس هوَ وياي ايلوگ مترهي صار البايگ إعله المبيوگ مو خوف جفني من الخجل مامطبوگ من گالوا انمرچ أسيرة إعله السوگ عشگ الكفالة احتاج سيف المعشوگ ماماشية بس اوياك وشلون أروح ابلياك ما أعرف امشي امشي امشي امشي بالخطوة جدمي من أحتار للمشرعة گلبي اندار ياحامي خدري خدري خدري خدري ​هاي انه زينب مـو احچاية وتنگال ضرباتي توجع مو ضرب مال امثال خيالة اخت خيالة وابنت خيال بنت الشجاع الماكو من صنفه ارجال وانتم شجاعتكم تجيبون احبال ورماح فوگاها المراجل تنشال فوگ الرماح اهل البيت وياهم انه اتعليت واتعلى راسي راسي راسي راسي مثل افتخار الانصار للمشرعة گلبي اندار ياحامي خدري خدري خدري خدري ​عباس اراويك الدمع لو بعدين شتشوف إذا هوَ السهم طفه العين جابولي محمل والسفر مدري لوين شيركب اختك ماكو عندك چفين ارد اقسم وهذا القسم بالجرحين بطيحتك عالماي وكسر ظهر حسين ما انحني يم شمات ولا يسمعون الآهات إلا انه ميته ميته ميته ميته وشما يريدون انهار للمشرعة گلبي اندار ياحامي خدري خدري خدري خدري عباس اخاف امشي وعليكم ما اعود راح اگضي عمري لابسه هدومي السود واحزن وادورلكم حزن ماموجود وارسم شريعه وفوگها اثنين ازنوذ وابچي اعله هامة اتهشمت بالعامود مو مي تره الخوة انچفت من الچود من اتبده جودك عباس گطرة وفة وكطرة إحساس وتبده خوه خوه خوه خوه من ردت اسولف عالصار للمشرعة گلبي اندار ياحامي خدري خدري خدري خدري ​شاعر: أحمـد الذهبـي