قلي يالميمون

گلي يالميمون .. وين والينه راح أبو السجاد لو يرد لينه آنه يالميمون بيدي جدمتك وانخمش گلبي من رحت بحسين بالله ودعتك والباري حسبي وبگت روحي تلوج وانتظر جيتك وعيوني ترمي جيتني خالي حسين چا وينه راح من إدينه بالله يالميمون رد علي جواب وخفي ونيني سرجك المگلوب صاب گلبي صواب واثگل حنيني هذا دم حسين لو حمر خضاب ما تدليني همهم الميمون وهملت عينه راح من إدينه دم ي هالميمون وجهك خضابه والگلب عطب من وريد حسين لومني صوابه وجهك تخضب گلها سهم البين بالگلب صابه شمالج يزينب دم أخوج حسين ما تعرفينه راح من إدينه ليش يالميمون مندهش حالك مجبل عليه تجر بلجامك تصهل شمالك ونتك خفيه جيتني خالي وين خيالك عفته رميه وين أخوي حسين عن صواوينه راح من إدينه بالله يالميمون لهفتي ردها وهود عويلي گلوب هالأيتام لا تمردها هدمت حيلي هاي سكنه تريد مني والدها وفجعت دليلي چن أخويه حسين يتم سكينه راح من إدينه ليش يالميمون سيبت حالي وهدمت داري واگطعت بينه بطيحة الوالي آه ينكساري واگطعت گلبي بسرجك الخالي وهيجت ناري حرم ظلينه ومن يحامينه راح من إدينه خدري يالميمون راح وتفرهد ساعة افراگه اشعوگ ابن أمي ما بعد أنشد واضح اشعاگه وبسبب سرجك للسبي أطلع واركب الناگة حسين بخلافه شمر حادينه راح من إدينه