اخويه وانه اخته شفته وما عرفته

اخـويـه و آنـه اخـته .... شفته و ما عرفته وين أنطي الوجه وين .... أنشد من عله احسين سـكتت الحومه ابحزنها و كل جرح بطل مسيله نـقـلت اجذام الهضيمه و زينب الحره العقيله قصدت المصرع اخوها احسين ابن حامي دخيله قـعـدت ابكتره و تنظره تبجي و المدمع تسيله أحـلـفـك هذا انته .... ابحليب أمي الرضعته عـماني ابفقدك البين .... أنشد من عله احسين يـالـمشيت ابهيبة أمي و جدي و الكرار الأنزع و مـثل أبو امحمد اخويه السره بأوصافك تودع اتـغـيرت ذيج المعاني و جسمك الطاهر توزع لا عـلامـه البيها أعرف كل عضو منك تقطع سـالـم ودعـيـتـك .... و امـقطع لقيتك ابـحيره و تهمل العين .... أنشد من عله احسين و قـلـبـي يم جثة ولينه من تحت بهمومه حاير أغـسل اجروحه ابدمعتي بلكه يروه امن النواظر و الـضلوع أشلون ألمها امهشمه ابسحق الحوافر وسفه و ابن امي الأعادي استوحدوه ابلا مناصر لـون تـنـظر وضعنه .... عقبكم و الله ضعنه إذا نـرجـع مظعنين .... أنشد من عله احسين امحسبه أصل ليك و أعينك يا عزيز أمي الشفيعه جـيت أسند لك يخويه و نعتني الصوب الشريعه حته أشوفن حامي خدري و أنظر اجفوفه القطيعه و أرد أقـله اشلون عينك نامت و عفت الوديعه جـسـمـك من نظرته .... العذر منك قبلته يـخـوانـي يا طيبين .... أنشد من عله احسين شاعر أبو علي الناصري