شاب وطفل

شاب و طفل وخيام و راية سامحنا بجيناك هواية إحنة الأشد ما بين جروحك جم مرة بالطف طلعت روحك يا حسين انا اول اهلك الطيح دموعك انا الأكبر أشبه الناس بخشوعك من طحت يمي سمعت كسرة ضلوعك الجَيَّة سهلة الصعبة للخيمة رجوعك إعذرني بجفوفك ظل دمي خليتك بموقف وي أمي قلتلها الأكبر صار شزغرة ما ظل مكان نشمَّه بصدره يا حسين القاسم آني و دمي من عندك تِعَذَّر من الخيم رَكَّضتَك و عَطَّشتَك أكثر راسي من ينزف شنو قلبك تِذَكَّر دم أبوي البالطَّشِت لو جدي حيدر سامحيني واقع و تحاجيني وخليتك إنت تغمض عيني لو أدري هيج يجرحك حزني جا ما صحت يا عم أدركني يا حسين انا عبدالله اليموت ولا دمعتك والسهم حسبالي مِتعَنّي لرقبتك لا إرادي طَلَّعِت إيدي و حضنتك قَبَّلِت خدّي و بقى الدم على شفتك و شفافك مفَطرة و دم يِجرَن دمي ويا دمك يعني اختَلطَن قلبك طلع ينزف من ظهرك صرت بمكانه و دفني بصدرك يا حسين آخر أهلك تعتذر منك رقية بالسبي تَعّبتك عيونك عليَّ واعتذر عن إشتياقي المو بيدَيَّه للخرابة جبتك من الغاضرية من شفتك بلا راس و دامي ظلينة ضامي يبوس بضامي يالما كِسَرتِ الواحد خاطر كِسرولك عظامك بالحافر يا حسين