١٤ جمادى الأول ١٤٤٨
كلمات المقطع
تخطت چم جسد عالغبره مطروح
واجت عنده الزجيه بصوت مبحوح
نعت يمه نعاوي تطلع الروح
وتگله أمك أنه دكعد يمذبوح
وما يحاچيها .. حچت وي نحر ابنها
اجيتك والهة ودمعاتي بالعين
ادورك يالولد بين المطاعين
إنچان البيك تحچي احچي يا حسين
احچي وگلي وين اليوجعك وين
مو الك هايه .. النومه على الترايب
يا هالفوگ التراب امسبل ايديك
اكعد خل اشوف شجم جرح بيك
حته بروحي يوليدي اداويك
واگطر ماي بشفافك و اروييك
من دمع عيني .. واكعد خل اشربك
تعنيتك حزينه بعثرة اجدام
اريد افرش عباتي حدرك ونام
يمن گلب الزجيه اعليك محتام
اشبگك چيف وانت مترس اسهام
وگتي خلاني .. احير اشلون اشبگك
يهالملسوب وامغطيك التراب
وگلبك عالخيم والبلخيم ذاب
تريد اليفزع ويحميها الاطناب
فزعوا بس فزعهم چان سلاب
تريد حاميها .. فزعوا والخيام
