يا محلى هالولادة .. .. شوق وهنا وسعادة
اجمل خبر إجاني .. .. هلا بربيع الثاني
---------------
أطهر آية ابمصحف جاية .. .. ناري حبّـه وجَنَّتي
هذا الغالي وابن الغالي .. .. أصبح ديـني وسُنَّـتي
مو قصّة مجنون ولَيلَى .. .. أجمل واطهر قصّتي
هاي الليلة أجمل ليلة .. .. صارَت سعدي وبهجتي
كل البشر مَدينة .. .. للساكن المَدينة
نِزلي يا دنيا وْعَسكِري .. .. مولد إمامي العسكري
هو حبلي والسفينة .. .. وارث علم نبينه
يا روحي بيه اتفَكّري .. .. مولد إمامي العسكري
وجه الحسن تورد .. .. هنو النبي محمد
زفوا له التهاني .. .. هلا بربيع الثاني
---------------
في ميعاده وابميلاده .. .. ليته يوقف هالزمَن
واقضي عمري وليلي وفجري .. .. كله بميلاد الحسن
ليته جاري وداره داري .. .. واسكن ويّاه ابعَدَن
ليت ابقلبي باب افتح له .. .. وايشوفه اتحوّل وطن
فوق القمر أشوفه .. .. مثل الضوا حروفه
وذكره جِناني وكوثري .. .. مولد إمامي العسكري
عشق الحسن في دمّي .. .. من والدي ومن امي
يا فاطمة اويّانه احضَري .. .. مولد إمامي العسكري
خل تحضر الزچية .. .. واتبارك المسية
خل توقف الثواني .. .. هلا بربيع الثاني
---------------
عَلگُوا الزِينة في وادينه .. .. حق ميلاده ومَقدَمه
وشوفو ابصدره شمسه وبدره .. .. والنجمات الأوسمة
الله ابنوره أبدع صورة .. .. باجمل لوحة يرسمه
طير الشادي ايهني الهادي .. .. ويدعي ربنا ايسلمه
طَلّ الحَسَن عَلينه .. .. مثل البدر وَلينه
ياگمرة ويانا اسهري .. .. مولد إمامي العسكري
بعيونه جاذبيّة .. .. آية حِسِن بهية
ياروحي للباري اشكري .. .. مولد إمامي العسكري
ليلة فرح مجيدة .. .. متباركة وسعيدة
واتحقّق الأماني .. .. هلا بربيع الثاني
---------------
يوسف شافه رؤيا وطافَه .. .. كامل وجهه بالحِسِن
يا ليت ابقى دوم ابقربه .. .. يحلا لي اوياه السجن
خوفي الوادم تقطع يدها .. .. بانواره لو تنفِتِن
خلوه غافي، ابمهدَه كافي .. .. لا منه العالَم تِجِن
خوفي تحز نَحَرها .. .. وجـه الحَسَن سَحَرها
يا دنيا لا لا تمكُري .. .. مولد إمامي العسكري
كل خوفي تحسدينه .. .. من يضوي بالمدينة
إسم الله هالليلة اذكري .. .. مولد إمامي العسكري
يوسف لمح جماله .. .. وتعجب ابكماله
صاح العشق رماني .. .. هلا بربيع الثاني
آخر المقاطع المضافة
استمع مجدداً
