الطف مستمر

الطف مستمر ، حد يوم الحشر شارك بي ، بأي شي تكدر عن حسين ، لا تتأخر حرب عالميه .. الحسين واميه .. حدد موقفك زين الشرف والهدايه .. اعله ولد البغايا .. واعرف موقعك وين تبقه بكل دهر ما تنتهي حرب العقيده وانت بهالحرب اليادرب كلبك يريده حسين الثورته والبيعته هالمدلك ايده ارفع صرختك ، كله بخدمتك كله افديك ، دم المنحر عن حسين ، لا تتأخر انتفض كله حاضر .. الك روحي ناذر .. خادم تحت يمناك سلم لليودك .. حرب لليضدك .. لاخر نفس وياك وحسين وشمر حرب الفكر هالمستمره من طف كربله الهذا الزمن باقيه الثوره عين حسين الك يتنطرك جفك ينصره لحسين انتصر ، وافديله العمر طف عاشور ، ظل يتكرر عن حسين ، لا تتأخر اكصده بعقيده .. التحبه و تريده .. قدمه الثورة حسين بسعف ابني موكب .. و فقط اسمه اكتب .. واهمل دمعة العين شهره من يهل فوك السطح خليله راية وابيتك ولو انت وهلك سوي اله اقرايه انت وقدرتك ماي اللذي توزعه كفايه امشي اويه الخدم ، وارفعلك علم عالزوار لو ، بس تسهر عن حسين ، لا تتاخر عرش خصمه ينهد .. اذا تلبس اسود .. من لونه يخافون عله مصابه لطمه .. رعب تملي خصمه .. من لطمك يرجفون عاشور الحزن ثورة دمع ويه ابو اليمه بكل مجلس حزن لطمة صدر يرتهب خصمه اكتب باللطم ابن النبي ما مات دمه المجلس اعتنيه ، وارفع صرخه بي امن الطغيان ، الله اكبر عن حسين ، لا تتأخر