عذاب

عذاب .. من تدفن جفوفك حبيبك عذاب .. فوكه التراب تهيله بيدك يروح روحه بلايه رجعه ..ماترد الراح دمعه عــذاب عـــذاب عمه عبد الله لكيته بخيمه محتركه صريع حسين خله جفوف عمي فوكه خاطر ما يضيع ودنكت ليه ارد احضنه وشاهد منظر فضيع من شفت عبد الله نحره يرضع بخنصر قطيع رماد.. تارس جسم عبد الله عمه رماد.. واتحيريت امنين اشمه اجفوفه شالاهن عليه .. وبيه اشم ريحة رقيه عــذاب عـــذاب منحر العباس يحجي وياي من يمه دنيت عمتك هم طكها واحد كتله أي عمي وبجيت وما نسيت انه وصيتج عمه واشكد دوريت السهم عمه لكيته وعين اخيج ما لكيت قريت .. بدمه كاتبلج رسايل قريت .. زينب حبيبة قلبي كايل يابعد روحي الحنينه .. بداعت امج مري بينه عـــذاب عـــذاب جم ضلع من صدر ابوي وي الحوافر من عنده راح شلته من متنه ارد اسنده وعمه متنه الثاني طاح بكل مسامه بجسمه نبله مخضره تسكيهه الجراح صدره جنه يكلي بويه تعبيتك استراح ابوي .. من نحره يبجي دموع حمره ابوي .. ليهسه اثر رفسه اعله صدره الخير وشيخ العشيره .. صعبه الم جسمه بحصيره عــذاب عـــذاب خضره كاع الطف يعمه بلون ارواح الشباب وجم مسيت الخير اصحن يمهم ومامن جواب كل عزيز الارد احضنه بصدره تدفعني الحراب الالمتني هواي عمه ثالث وماكو ثواب شباب ..شبعت حوافر من جسمهم شباب ..طبعت على الغبره رسمهم وبدي كمت اجمع وذرهم.. وما اعرف ياهوه منهم عــذاب عـــذاب ابمكان الخيمه صاير تل رماد وما يزول حتى مقعاد العصاري خربت شكله الخيول والثنيه السوده صارت وين اهالينه تقول باكو اعمامة محمد واحترق هدم البتول لكيت .. اسياط مكطوعه بمتنجن لكيت .. ياعمه دم عليهه منجن مكطعه مثل امنياتي .. ودم ظهر بيهه لخواتي عــذاب عـــذاب شاعر علي عويز الشويلي