اعمال الليلة

من اهم اعمال هاي الليله كون واحد بالبجي يهد حيله اللية مكروه الصبر يستحب كسر الصدر كون واحد بالبجي يهد حيله كون واحدنه بدمع عينه ايتوضه ويلزم السبحه ويردد فضه فضه يستحب كل باب نركضله ونكضه نطبكة حيل اعله الضلع بلكن يرضه موش ركعة الليله مالت وكعه مثل حيدر من سمع بالبضعه للضلعها منكسر يستحب كسر الصدر كون واحد بالبجي يهد حيله بين دمعه ودمعه كون الليله حسره ويستحب قال سليمٌ احنه نقره اليوم محد بالاجر يوصل لأجره القام لعيونه وسطرهن ألف سطره الليله يكره منها تطلب نظره لأن عين الزهره من دم حمره الليله موحسره تجر يستحب كسر الصدر كون واحد بالبجي يهد حيله من الامور الواجبه المو مستحبه تراب يم العتبه هالليله نذبه جان كل ليله علي ويكصد العتبه وعل التراب بصبعه اسم ابنه يكتبه يفرش كماطه ويلمه خالي عالتراب تراب صار الغالي على المحسن للفجر يستحب كسر الصدر كون واحد بالبجي يهد حيله العنده طفله الليله يتركها بعيده لازم استحباب ماتغفه اعله ايده زينب الليله حنان امها تريده وامها عافتها ومشت ظلت وحيده شلون تغفه وراحت اغلى احبابها اليفكد امه يظل يحاجي ثيابها الخاطرج يم الخدر يستحب كسر الصدر كون واحد بالبجي يهد حيله يُفترض هالليله بابك ماتسدها مثل حال الحسن وحسين ابعدها قالو امنه وندري ماتغفه بلحدها هيه متعوده تنام بنص ولدها نام وواحد بحضن الثاني اليتيم شعنده شنهو متاني عالفو الصار بكبر يستحب كسر الصدر كون واحد بالبجي يهد حيله الشاعر : حسين طالب السماوي