وداعتك

وداعتك نار المخيم برد يم نار البگلبي وداعتك وداعتك عالريحه جيتك عين ماكو تشوف دربي وداعتك ماضگته خويه الماي من گالولي اشربي جيت اعلكيفي جدمي محروگ انلچم من امشي سريعة وظلمه الطفوف وكلشي ماشوف إبهليل وين الگه الشريعة وبيمن تصد لختك يعباس وعامينها العين الوسيعة ومنين اگودنك وأرد بيك وثنينها اچفوفك گطيعة ابعازتك زينب اخيتك تره ضلت محد الها ابعازتك وداعتك نار المخيم برد يم نار البگلبي وداعتك انه وخواتك مو من السوط هذا البچي من مستحانه لن باچر احنه انروح عالنوگ وإنعوفك امدد ورانه تعذرنه ماموتنه بجفاك وظل يصعد وينزل هوانه ونشوف طولك من الخيول كلساعه يتغير مچانه ساحگك ثگل الحوافر عمت عيني جاي رايح ساحگك وداعتك نار المخيم برد يم نار البگلبي وداعتك كل اليتامه تسأل اعليك اثمانين طفله اتصيح وينه فضلت اسكت احسن اهواي من إلعمه كلشي مالگينه يلچان طولك بالسماوات إلصدلك لفوگ ايشيل عينه هسه گعدنه اگعود بالگاع ونجمع اوصالك بدينه هامتك مهشومه ويلي وانت چان الهوى ميمر هامتك وداعتك نار المخيم برد يم نار البگلبي وداعتك وساده الرگبتك إيدي سويت وشابكت الضلوع البقلي حسيت مني تنزل ادموع ومن سهم عينك دم نزلي صار الفجر ورماد فرشيت والتربه نهبوها شخلي اذن صحتلك خويه عباس چا ليش ماتگعد تصلي ابراحتك من كون عذرك خويه زينب راس ماكو ابراحتك وداعتك نار المخيم برد يم نار البگلبي وداعتك گامت ابراسك تفتر الخيل وانا ركض افتر وراهن وكلمن لزم چف وركض بي الله يضيعه الضيعاهن ضليت اصيحن بيش ماچان اشريهن امن السلباهن بس حيره اليسلبون آلاف اشلون إنعرف ياهو الخذاهن شايلك وسفه رمحهم وانت چان الكون گوه شايلك وداعتك نار المخيم برد يم نار البگلبي وداعتك