يا رمح گله

يارمح گله .. والله موسهله بالسبي أجرو راسك يا الم واصل حساسك يارمح ارسم مشاهد وسط تفكيره راسك إيبات أويه غربه أوجسمك إبديره كله نتبع ياهو منهن تكتل الحيره ياحضن يكدر يلمه قصته چبيره سولف إباله .. حيرة إعياله كله تعبت اعز ناسك يا ألم واصل حساسك يارمح ريح ضميرك ورسم أحبالي أوكله مچويات اديه اولازمه اعيالي اوكله صعبه يصير رمحك هو مرسالي دمك العل شيب گله مغير احوالي رتل جروحه .. وسبح بروحه والعطش كسر انفاسك يا الم واصل احساسك يارمح ارجوك حاول لاتصل عينه وتمسح النضره الأخيره البينه وبينه وقرب اخياله لخيالي من تماشينه ترتوي عروگ المحنه من يمر بينه شاغل افكاري .. خيمتي وداري يالرضا الباري نبراسك يا الم واصل احساسك يارمح عاذرته وإدري ختلفت اوصافه شاف رمي احجار تدري الشجر ماشافه حايره بهاي اليتامه مدوهنه خلافه على جبل لو خلي حملي تتعب إجتافه ياسهر ليلي .. ودمعتي وحيلي عن بعد هل جرح جاسك يا الم واصل حساسك گله تعبني بوداعه هوايه الموذر صوتي من ياوصله منهن يوصلك اكثر خاف احضنه وسهم صدره بگلبه يتكسر حايره بين الأجساد وامشي وإتعثر حيرت ايامي .. والضعن ضامي كله كعدلي عباسك يا الم واصل حساسك يارمح هاك اخذ عيني تأمل وشاهد وعاين بصدر المحنه ياشمر گاعد والمهر ماخذ قميصه بحافره وشارد يرتچي اعلى اسهام عينه وينكسر واحد كلهن بعيني .. مرن حسيني يارمح صفلي مقياسك يا الم واصل إحساسك ام حسبت الكهف يقره بكل تفاصيله والعجب كل كهف ماكو اليجمع العيله وماكو عد الشام خير خاطر إشكيله يارمح ماسامعه اهلا مدري چم ليله ياضوه سنيني .. مو عمت عيني للوفه دگت اجراسك يالم واصل احساسك يا رمح وضحله اكثر سولف بحلمه إترخص امن أفكار راسه وشرح الكلمه يارمح سولفلي شنهي البارحه نشمه ونگعد اليوم النحبه إباريه إلمه من على الناگه .. يذبح فراگه جدك بمذبحك باسك يا الم واصل احساسك